У Менску расеец на Audi R8 за 20 секунд парушыў ПДР чатыры разы

Кіроўцы аўтамабіляў з расейскімі нумарамі не раз звярталі на сябе ўвагу ў Менску.

Вялікая хуткасць, хаатычныя і бессэнсоўныя перастраенні і велізарная колькасць парушэнняў ПДР - характэрныя прыкметы маскоўскага стылю. Учора на перакрыжаванні вуліц Прытыцкага і Бельскага ў аб'ектыў рэгістратара трапіў кіроўца Audi R8 з нумарамі з РФ.

Відэа размясціў удзельнік форуму onliner.by Juv4ik. У размове з карэспандэнтам партала ён адзначыў, што заўважыў аўтамабіль яшчэ каля станцыі метро «Каменная горка»: «Audi стаяў каля краю праезнай часткі. Я нават не звярнуў увагі, калі ён дагнаў . Гэта значыць, гэты аўтамабіль рухаўся даволі хутка».

А на скрыжаванні вуліц Прытыцкага і Бельскага, па-першае, Audi павярнуў з другога шэрагу направа. Па-другое, выехаў на сустрэчную паласу ў забароненым месцы. Па-трэцяе, працягнуў рух на забараняльны сігнал святлафора. Па-чацвёртае, зноў-такі павярнуў направа з другога шэрагу.

Раней ДАІ не раз звяртала ўвагу на такі стыль кіравання з боку расейцаў, у асноўным на дарагіх аўтамабілях. Так, у лістападзе на пр. Дзяржынскага ў Менску быў спынены Aston Martin DB9, які ліхаманкава перабудоўваўся, не мог вызначыцца з шэрагам, забываў уключаць «паваротнікі». Па словах інспектараў, падобныя манеўры ствараюць нервовасць для іншых удзельнікаў дарожнага руху, правакуюць на агрэсіўны стыль.