Януковіч з інфарктам у маскоўскай лякарні
115- 7.03.2014, 11:38
- 105,704
Пра гэта паведамляюць расейскія СМІ.
Як адзначае газета «Московский комсомолец», спасылаючыся на сваю крыніцу, Януковіч у цяжкім стане шпіталізаваны ў адну з медыцынскіх устаноў Масквы.
Па дадзеных газеты, экс-прэзідэнта Украіны шпіталізавалі з падазрэннем на інфаркт.
«Стан яго здароўя ацэньваецца як «цяжкі». Афіцыйнага пацверджання інфармацыі пакуль няма», - паведамляе выданне.
Як паведамлялася раней, журналісты пачалі шукаць доказы таго, ці жывы яшчэ Віктар Януковіч, паколькі крыніцы інфармагенцтва УНІАН паведамляюць, што экс-прэзідэнта Украіны ўжо няма сярод жывых.
Як вядома, у апошні раз Януковіча жывога бачылі 28 лютага 2014 года падчас яго прэс-канферэнцыі ў Растове-на-Доне ў выставачным цэнтры «Верталэкспа».
Пасля гэтага яго аднапартыйцы і людзі з яго атачэння ва Украіне не пацвярджалі, што ён выходзіў на сувязь. А чуткі пра смерць Януковіча ў апошні час з'яўляліся не менш 3 раз і актыўна распаўсюджваліся ў інтэрнэце.
Фота: Reuters