Андрэй Іларыёнаў: Мэты Пуціна - Беларусь, краіны Балтыі і Фінляндыя

Уладзімір Пуцін не спыніць спробаў павялічыць тэрыторыю Расеі.

Ён не супакоіцца, пакуль не заваюе Беларусь, краіны Балтыі і Фінляндыю, піша Independent (пераклад - Inopressa.ru). Андрэй Іларыёнаў заявіў пра гэта ў інтэрв'ю шведскай газеце Svenska Dagbladet, тлумачыць журналіст Адам Уізхол.

Па словах былога дарадцы расейскага прэзідэнта, Уладзімір Пуцін хоча аднавіць «гістарычную справядлівасць», вярнуўшыся ў часы Мікалая II і Сталіна.

Газета каментуе: Фінляндыя не знаходзіцца ў НАТА, так што расейскае ўварванне не будзе расцэнена як атака на гэты альянс. ВПС Фінляндыі ў апошнія тыдні актывізавалі выведку над Балтыйскім морам.

Калі Іларыёнава спыталі, ці нясе Пуцін пагрозу Фінляндыі ў бліжэйшы час, ён сказаў: «Гэта не ўваходзіць у пуцінскі парадак дня на сёння або заўтра, але калі Пуціна не спыніць, рана ці позна пытанне будзе паднята. Пуцін некалькі разоў казаў, што бальшавікі і камуністы здзяйснялі вялікія памылкі. Ён цалкам можа сказаць, што ў 1917 годзе бальшавікі здрадзілі нацыянальным інтарэсам Расеі, падаўшы Фінляндыі незалежнасць».

Як жа спыніць расейскую экспансію? Іларыёнаў сказаў, што санкцыі хутчэй дапамаглі Пуціну, і заявіў: «Адзіны адказ на непрыкрытую агрэсію - праявіць гатоўнасць да калектыўнай абароны».