Cілы неадкладнага рэагавання ў Беларусі прыведзеныя ў баявую гатоўнасць
9- 10.04.2014, 10:48
- 12,477
Гэта чарговы этап праверкі Узброеных сіл, які праводзіцца па распараджэнні Лукашэнкі.
Шэраг вайсковых частак і падраздзяленняў працягваюць ажыццяўляць комплекс мерапрыемстваў па прывядзенні ў баявую гатоўнасць. У цяперашні час асобныя воінскія часткі са складу сіл неадкладнага рэагавання завяршылі правядзенне адпаведных мерапрыемстваў, паведамляе прэс-служба Міністэрства абароны Беларусі.
Паводле атрыманых распараджэнняў, камандзіры і штабы прыступілі да падрыхтоўкі падпарадкаваных падраздзяленняў да выканання пастаўленых задач, арганізацыі кіравання, узаемадзеяння і ўсебаковага забеспячэння.
Праводзяцца агляды гатоўнасці асабістага складу, узбраення і ваеннай тэхнікі, пасля чаго адпаведныя падраздзяленні зробяць маршы на палігоны.