Снайпераў для расстрэлу Майдана прывезлі з Луганска па загадзе Захарчанкі

20 лютага ў будынку Кабміна Украіны знаходзіліся 2 снайпера спецпадраздзялення «Сокал».

Пра гэта ў ходзе пасяджэння часовай следчай камісіі Вярхоўнай Рады сказаў намеснік начальніка спецпадраздзялення Аляксандр Яршоў, піша «Українські новини».

Ён адзначыў, што 20 лютага па распараджэнні былога тады міністра ўнутраных спраў Віталя Захарчанкі група спецназа «Сокал» у складзе 20 чалавек, сярод якіх 2 снайпера з Луганска, знаходзілася ў будынку Кабінета міністраў. Пры гэтым Яршоў адмаўляе, што снайперы знаходзіліся на даху і вялі агонь па пратэстантах.

У той жа час ён прызнаў, што балістычная экспертыза канфіскаванай у снайпераў зброі яшчэ не праводзiлася, была праведзена службовая праверка, і яе вынікі перададзеныя ў Генеральную пракуратуру.

Яршоў таксама адзначыў, што з 18 лютага на тэрыторыі Кіева праводзілася аперацыя «Крэпасць», згодна з якой байцы «Сокала» ахоўвалі будынак Міністэрства ўнутраных спраў і Галоўнага ўпраўлення па барацьбе з арганізаванай злачыннасцю.

Начальнік ГУБАЗ Сяргей Рудэнка адзначыў, што для ажыццяўлення гэтага плана па асабістым загадзе Захарчанкі ў Кіеў былі перакінутыя групы снайпераў з Луганска, Запарожжа і Хмяльніцкага.

Таксама на пасяджэнні следчай камісіі начальнік упраўлення аховы грамадскага парадку Галоўнага ўпраўлення ўнутраных войскаў МУС Мікалай Клімчук прызнаў, што ў Кіеве з 18 лютага знаходзілася 30 узброеных пісталетамі афіцэраў ВВ.

У той жа час, паводле яго слоў, з 15:00 у Кіеве па загадзе Захарчанкі былі ўзброеныя агнястрэльнай зброяй 3500 служачых унутраных войскаў.

Акрамя таго, у 11:30 20 лютага на вуліцы Банкавую і Інстытуцкую прыбылі байцы спецпадраздзялення «Амега», якія былі ўзброеныя аўтаматамі АК-5, 45.

Таксама Клімчук паведаміў, што 20 лютага з упраўлення ўнутраных войскаў супрацоўнікам Упраўлення дзяржаўнай аховы пад распіску было перададзена 2 аўтамата Калашнікава.

Менавіта гэтыя аўтаматы забралі з сабой пры ўцёках Віктар Януковіч і былы камандуючы ўнутраных войскаў Станіслаў Шуляк.