Украінцы капаюць акопы на мяжы з Беларуссю

Улады Украіны ўмацоўваюць мяжу краіны ў чаканні ўварвання з поўначы.

Пра гэта піша журналіст выдання «Брестский курьер» Ігар Набойчанка.

«Вяртаючыся ў нядзелю з Украіны, на выездзе з памежнага пераходу Новыя Ярылавічы (Чарнігаўская вобласць) у бок беларускай мяжы звярнуў увагу на тое, чаго зусім нядаўна не было, - піша ён. - Па абодва бакі дарогі з'явіліся свежыя агнявыя кропкі, абкладзеныя мяшкамі з пяском і замаскіраваныя хваёвымі галінкамі. Сектары абстрэлу - у беларускім кірунку. Аднак прыкметна, што ўмацаванні зроблены не для ваенных дзеянняў, а хутчэй у мэтах выканання загаду".

Журналіст адзначае, што ўкраінскія памежнікі перайшлі на ўзмоцнены варыянт нясення службы і ўзброеныя пісталетамі і аўтаматамі.

Нагадаем, тыдзень таму адбыліся ваенныя вучэнні ўкраінскай арміі ў пасёлку Дзясна Чарнігаўскай вобласці, які знаходзіцца ў некалькіх дзесятках кіламетраў ад мяжы з Беларуссю. У гэтым населеным пункце размяшчаецца навучальны цэнтр Сухапутных войскаў УС Украіны. На вучэннях прысутнічаў выконваючы абавязкі прэзідэнта Украіны, старшыня Вярхоўнай Рады Украіны Аляксандр Турчынаў.