BelToll не адрознівае нуль ад літары О і не ведае чэшскі алфавіт

Прычынай памылковых штрафаў стаў некарэктны ўвод нумарнога знака пры афармленні бартавой прылады.

З моманту ўкаранення сістэмы BelToll беларускім і замежным кіроўцам вернутыя сумы пераплаты за карыстанне платнымі аўтадарогамі Беларусі на 400 тысяч еўра. Асноўная прычына накладання на кіроўцаў памылковых санкцый - няправільны ўвод нумарнога знака пры афармленні бартавой прылады, неабходнай для карыстання сістэмай, паведаміў намеснік начальніка ўпраўлення кантролю на платных дарогах Транспартнай інспекцыі Аляксандр Яшкевіч.

Паводле яго слоў, праца са зваротамі переплаченных сум кіроўцам, якія не парушаюць правілы аплаты праезду і памылкова трапілі пад санкцыі, вядзецца да гэтага часу. Каля 40% такіх кіроўцаў - беларусы, каля 60% - замежныя грамадзяне, перадае БелаПАН.

Найбольш распаўсюджанай прычынай накладання на кіроўцаў памылковых санкцый стаў некарэктны ўвод нумарнога знака пры афармленні бартавой прылады, неабходнай для карыстання сістэмай, адзначыў Яшкевіч. Ён патлумачыў, што ў розных мовах ёсць літары з рысачкамі і кропкамі. Тым не менш, сістэма аўтаматызаваная і распазнае нумарны знак, які рэальна ўсталяваны на аўтамабілі, параўноўвае яго з нумарным знакам бартавой прылады, бачыць розніцу і фіксуе парушэнне.

Калі пры разглядзе ў сітуацыі спецыялісты бачаць падабенства знакаў, напрыклад літары «О» і лічбы «нуль», то накладзеныя на аўтамабіль санкцыі адмяняюцца. «Калі ёсць сур'ёзныя разыходжанні, вялікая верагоднасць таго, што дадзеная прылада была набытая ня для дадзенага транспартнага сродку», - адзначыў прадстаўнік Транспартнай інспекцыі.

Паводле яго слоў, пераплата ў 40 тысяч еўра вернутая адной чэшскай кампаніі, у аўтамабільных нумарах якой выкарыстаная літара чэшскага алфавіту.

«Цяпер парушэнняў вельмі мала. Усе ведаюць, што патрэбная бартавая прылада, звяртаюць увагу ў дамовах на нумарныя знакі, звяртаюць увагу на восі ў аўтамабілі», - падкрэсліў Яшкевіч.