Прарасейскія баевікі напалі на журналістаў у Адэсе
5- 11.04.2014, 10:09
- 9,591
У сутыкненнях, якія адбыліся ў Адэсе, пацярпелі супрацоўнікі СМІ.
Пра гэта паведамляе мясцовы партал «Думская.нет».
«Падчас супрацьстаяння ў гасцініцы «Променад» на Фантане прыхільнікі Расеі напалі на журналістаў «Седьмого» і «Первого городского» - адэскіх тэлеканалаў, якія вялі прамую трансляцыю таго, што адбываецца», - гаворыцца ў паведамленні.
Усяго сем чалавек атрымалі траўмы ў выніку сутыкненняў прыхільнікаў Майдана і па-прарасейску настроеных актывістаў. Пра гэта паведамілі ў прэс-службе адэскай міліцыі.
Нагадаем, актывісты пабіліся непадалёк ад гасцініцы, дзе спыніўся кандыдат у прэзідэнты Украіны, член фракцыі Партыі рэгіёнаў Алег Цароў.