Казакі будуць ахоўваць мяжу Украіны з Беларуссю

Казакі "Славуцкай Сечы" ўжо прайшлі арганізаваны Дзяржпамежслужбай курс заняткаў па прававой і спецыяльнай падрыхтоўцы.

Луцкі атрад памежнікаў прыняў у свае шэрагі казакоў - членаў грамадскага фармавання "Славуцкая Сеч". 10 красавіка палепшаны склад прыступіў да аховы дзяржаўнай мяжы на ўчастку адказнасці аддзела "Дольск" у Валынскай вобласці, інфармуе прэс-служба ведамства.

На працягу двух дзён памежнікі правялі заняткі па прававой і спецыяльнай падрыхтоўцы для добраахвотнікаў, піша gordonua.com.

Украінска-беларускую мяжу будуць ахоўваць, у прыватнасці і пры дапамозе коней, на якіх прыбылі казакі.

Нагадаем, 9 красавіка стала вядома, што Беларусь праводзіць вучэнні сіл хуткага разгортвання. Адпаведныя падраздзяленні прыведзеныя ў баявую гатоўнасць. Сілы неадкладнага рэагавання і хуткага разгортвання ў далейшым зробяць маршы на палігоны , дзе будуць праведзеныя кантрольныя заняткі па тактычнай, агнявой і фізічнай падрыхтоўцы.

Ва Узброеных Сілах Беларусі працягваецца праверка боегатоўнасці, распачатая са студзеня бягучага года па даручэнні Лукашэнкі. Першыя два месяцы выпрабоўвалася гатоўнасць органаў кіравання, сегмента супрацьпаветранай абароны, а таксама органаў кіравання і падраздзяленняў тэрытарыяльнай абароны. Пасля гэтага правяралася адзіная рэгіянальная сістэма СПА Беларусі і Расеі.