Мілаш Зэман: НАТА павінна прымяніць да Расеі меры застрашвання
2- 11.04.2014, 15:58
- 7,975
Прэзідэнт Чэхіі лічыць, што прафілактычныя сродкі ў дачыненні да Расеі дапамогуць спыніць яе ў прасоўванні на Усход Украіны.
Мілаш Зэман лічыць, што НАТА павінна прыняць меры застрашвання ў дачыненні да Расеі з мэтай прымусіць Маскву адмовіцца ад ваеннага ўмяшання ва ўкраінскія справы. Пра гэта кіраўнік дзяржавы заявіў на перамовах з генеральным сакратаром НАТА Андэрсам Фог Расмусэнам, перадае «Радио Прага».
Зэман адзначыў, што прафілактыка заўсёды лепейі танней, чым тушыць пажар, які разгарэўся. Аднак ён выказаўся супраць увядзення эканамічных санкцый у дачыненні да Расеі.
На думку кіраўніка дзяржавы, калі не спыніць Расею ва Усходняй Украіне, крызіс будзе нарастаць, як снежны ком, на поўдні Украіны, а таксама ў Прыднястроўі.
Нагадаем, раней Зэман прапаноўваў, каб у выпадку ўварвання Расеі на ўсход Украіны, НАТА размясцілі свае войскі на ўкраінскай тэрыторыі.
Альянс ужо павялічыў ваенную прысутнасць у Цэнтральнай Еўропе і Чорным моры з-за агрэсіўных дзеянняў Расеі пасля анэксіі Крыма.