29 сакавiка 2024, Пятніца, 14:52
Падтрымайце
сайт
Сім сім,
Хартыя 97!
Рубрыкі

Бжэзінскі: Захад павінен аказаць ваенную дапамогу Украіне

17
Бжэзінскі: Захад павінен аказаць ваенную дапамогу Украіне

Расею спыніць толькі ваеннае ўмяшанне краін Захаду.

Дзяржавы заходняга свету павінны аказаць узброеную падтрымку ўкраінцам у барацьбе з Расейскай Федэрацыяй, якая не пакідае спробаў захопу чарговых рэгіёнаў Украіны.

Такое меркаванне выказаў былы дарадца прэзідэнта ЗША і вядомы амерыканскі аналітык Збігнеў Бжэзінскі у эфіры СNN, піша УНІАН.

"Расея сцвярджае, што гэта паўстанне людзей, а ў рэчаіснасці правярае, ці можа захапіць гэтую тэрыторыю без вялікага супрацьстаяння і працягваць казаць, што гэты рэгіён сам адлучыўся ад Украіны", - сказаў ён.

"Я бачу неверагоднае падабенства паміж тым, што адбылося некалькі тыдняў таму ў Крыме, і зараз на ўсходзе. Групы бандытаў у форме без апазнавальных знакаў з'яўляюцца нечакана і выглядаюць практычна гэтак жа, як тыя ў Крыме, і ў некалькіх гарадах на ўсходзе спрабуюць зрабіць тое жа, што там", - адзначыў аналітык.

Бжэзінскі адзначыў, што ў выпадку супрацьстаяння расейцы плануюць увесці войскі, сканцэнтраваныя на мяжы з Украінай, і адзначыў, што далейшае развіццё падзей будзе вельмі залежаць ад саміх украінцаў.

Паводле яго слоў, без супрацьстаяння Расея зробіць з чарговымі ўкраінскімі рэгіёнамі тое ж, што з Крымам, і Захад у такім выпадку не будзе актыўна ўмешвацца ў справы.

"Калі вырашаць аказваць супраціў, то праўдападобна яны будуць прайграваць крок за крокам, але калі гэты супраціў працягнецца, то Захад - падабаецца яму гэта ці не - будзе пад вялікім грамадскім ціскам, каб аказаць ім дапамогу", - сказаў ён.

Бжэзінскі заклікаў як мага хутчэй пра гэта афіцыйна праінфармаваць украінцаў, таму што гэта таксама зможа паменшыць шанцы на ўзброены канфлікт.

"Калі праінфармуем іх пра гэта загадзя, то вельмі праўдападобна, што ўкраінцы паўстануць супраць Расеі, а калі расейцы будуць гэта ведаць, то двойчы падумаюць перад тым, як адправіцца ў вялікую кампанію", - сказаў аналітык.

Бжэзінскі таксама правёў паралелі з падзеямі ва Украіне з супрацьстаяннем ЗША і Расеі ў В'етнаме.

"Дастаткова падумаць пра В'етнам. Мы там страцілі тысячы людзей, але хто ўзбройваў в'етнамцаў? Расейцы. Яны не бачылі ў гэтым нічога дрэннага, таму што бачылі ў гэтым свой геапалітычны інтарэс", - заўважыў ён.

"Лічу, што ў выпадку Украіны мы можам быць актыўныя ўласна ў такім вымярэнні", - дадаў ён.

12 красавіка расейскія баевікі і тэрарысты захапілі ў Славянску Данецкай вобласці адміністрацыйныя будынкі, у нядзелю яны працягнулі свае дзеянні ў некалькіх іншых гарадах вобласці. З 6 красавіка ў руках сепаратыстаў застаюцца абласное ўпраўленне СБУ ў Луганску і аблдзяржадміністрацыя ў Данецку.

Учора Савет нацыянальнай бяспекі і абароны прыняў рашэнне аб пачатку маштабнай антытэрарыстычнай аперацыі на ўсходзе краіны. Пра гэта заявіў у сваім звароце спікер Вярхоўнай Рады, в.а. прэзідэнта Украіны Аляксандр Турчынаў. Ён адзначыў, што Савет нацыянальнай бяспекі і абароны Украіны прыняў рашэнне прыцягнуць да правядзення антытэрарыстычнай аперацыі на ўсходзе краіны ваеннаслужачых Узброеных сіл.

Фота: PAP

Напісаць каментар 17

Таксама сачыце за акаўнтамі Charter97.org у сацыяльных сетках