Юра Енакіеўскі трапіў пад санкцыі ЕЗ

Еўрапейскі Звяз пашырыў спіс грамадзян Украіны, на якіх накладзеныя санкцыі.

Як паведамляе брусэльскае выданне EUobserver, ЕЗ замарозіў актывы яшчэ чатырох прыхільнікаў Віктара Януковіча, якія падазраюцца ў крадзяжы дзяржаўных сродкаў.

Санкцыям падвергліся былы першы віцэ-прэм'ер Украіны Сяргей Арбузаў, народны дэпутат ад Партыі рэгіёнаў Юрый Іванюшчанка, былы міністр даходаў Аляксандр Кліменка і былы міністр энергетыкі Эдуард Ставіцкі.

У выніку спіс санкцыянаваных грамадзян Украіны павялічыўся з 18 чалавек да 22.

Адзначым, што найбольшую ўвагу прыцягнула ўключэнне ў спіс блізкага сябра былога прэзідэнта - Юрыя Іванюшчанкі, вядомага пад імем Юра Енакіеўскі. Януковіч у свой час фактычна прызначыў яго «куратарам» паўднёва-усходняй часткі Украіны і падаў поўны кантроль над усімі сілавымі структурамі: міліцыяй, СБУ, падатковай, пракуратурай.