Сепаратысты занялі адміністрацыю Шахцёрска
3- 15.04.2014, 16:26
- 24,767
На будынку ўсталяваныя сцягі «Данецкай рэспублікі» і Расеі.
Прадстаўнікі сепаратыстаў выступілі перад прысутнымі жыхарамі, пасля чаго падняліся на дах. Яны знялі сцяг Украіны і вывесілі чорна-сіне-чырвоны сцяг «Данецкай рэспублікі». Расейскі трыкалор вывешаны каля ўваходу ў адміністрацыю. Пра гэта паведамляе мясцовы сайт 06255.
Пасля гэтага прысутныя на цэнтральнай плошчы сепаратысты запатрабавалі ад мэра шахцёрскага выдзеліць у абласной адміністрацыі памяшканне для сваіх правадыроў.
Нагадаем, з 6 красавіка расейскія дыверсійныя групы і мясцовыя сепаратысты пачалі планамерныя захопы будынкаў адміністрацый ва ўсходніх абласцях Украіны, а таксама ўпраўленняў МУС і СБУ, якія прывабліваюць баевікоў зброевым арсеналам.