Украінскія вайскоўцы адбілі атаку на аэрадром у Краматорску
15- 15.04.2014, 18:28
- 24,998
Невядомыя ў вайсковай экіпіроўцы і з аўтаматычнай зброяй спрабавалі штурмаваць аэрадром у Краматорску.
Пра гэта «Украінскай праўдзе» паведамілі ў сілавых структурах.
«Але аэрадром знаходзіўся пад надзейнай абаронай, таму атака была адбітая. З нашага боку пацярпелых няма. А самалёты і гелікоптэры паднялі ў неба, бо не было вядома, чым скончыцца штурм, таму каб абараніць тэхніку, яе паднялі ў неба», - сказаў суразмоўца.
«Цяпер у горадзе спакойна. Працуе Нацгвардыя», - дадаў ён.
На ўсходзе Украіны сёння праходзіць антытэрарыстычная аперацыя. Паводле стану на 17:30 мясцовага часу яна праводзіцца ў Краматорску і Славянску. Гэтыя гарады Данецкай вобласці некалькі дзён таму былі захопленыя дыверсійнымі групамі з Расеі і мясцовымі сепаратыстамі.
Спецаперацыя сілавікоў у рамках антытэрарыстычных мерапрыемстваў, абвешчаных украінскімі ўладамі пачалася прыкладна а 16:30. Пра гэта УНП паведамілі ў Міністэрстве абароны Украіны.