Данецкі гарсавет захапілі 50 баевікоў з АК і снайперскімі вінтоўкамі
11- 16.04.2014, 12:43
- 37,294
На флагштоку каля выканкама вывешаны сцяг сепаратысцкай арганізацыі «Апора».
У сераду раніцай пасля сустрэчы мэра Аляксандра Лук'янчанкі з прадстаўніком місіі АБСЕ, у будынак гарсавета ўвайшлі ўзброеныя людзі.
Крыніца выдання «Корреспондент» паведаміў, што цяпер у гарсавеце знаходзяцца каля пяцідзесяці чалавек з аўтаматамі, бітамі і вінтоўкамі. Сярод іх было заўважана некалькі снайперскіх.
Аляксандр Захарчанка, кіраўнік данецкага падраздзялення грамадскай арганізацыі «Апора», заявіў, што галоўнае патрабаванне - прыняцце Вярхоўнай Радай закона аб мясцовых рэферэндумах, падрыхтаванага Аляксандрам Бабковым.
«Закон аб рэферэндумах сапраўды патрэбны, а з выканкамам нічога не здарыцца. Мы структурнае падраздзяленне з жорсткай дысцыплінай, таму ніякіх рабаванняў, ніякіх перашкодаў працы супрацоўнікам выканкама не будзе. Ён будзе працаваць у штатным рэжыме, карысць жыхароў нашага горада вышэй за ўсё. Адзінае, што мы зробім - барыкады, будзе прапускная сістэма. Але выканкам будзе працаваць, жыхары будуць заходзіць», - паведаміў Захарчанка.
Як паведамлялася, 16 красавіка ў Данецку павінен прайсці экстраны з'езд дэпутатаў ПР усіх узроўняў Данецкай вобласці.