НАТА адпраўляе караблі і войскі да межаў Расеі
54- 16.04.2014, 15:35
- 62,357
Альянс мае намер узмацніць паветранае патруляванне Балтыкі.
Пра гэта заявіў генеральны сакратар НАТА Андэрс Фог Расмусэн.
Арганізацыя таксама мае намер накіраваць свае ваенныя караблі ў Балтыйскае мора і ўсходняе Міжземнамор'е. Андэрс Фог Расмусэн таксама дадаў, што лічыць адзіна магчымым палітычны шлях вырашэння крызісу ва Украіне, і заклікаў Расею далучыцца да яго, перадае «Інтэрфакс».
«Мы прынялі далейшыя меры рэагавання на крызіс ва Украіне. Мы згодныя з тым, што палітычнае рашэнне - адзіны шлях наперад, - сказаў ён. - Мы заклікаем Расею стаць часткай рашэння, спыніць дэстабілізацыю Украіны, адвесці войскі ад межаў і выразна заявіць, што яна не падтрымлівае сепаратыстаў».
Нагадаем, раней стала вядома, што ЗША і Канада перакінуць свае войскі ў Еўропу для ўмацавання бяспекі саюзнікаў.