Гомельскі «Алмі» гандлюе «пратэрміноўкай»

У супермаркеце «Алмі» ў Гомелі прадаецца даўно пратэрмінаванае масла.

Пра гэта сайту charter97.org паведаміў адзін з чытачоў.

«Учора ў супермаркеце «Алмі», які знаходзіцца вуліцы Мазурава ў Гомелі, выявіў прадукты са скончаным тэрмінам прыдатнасці. На акцыі прадаюць масла «Сялянскае», тэрмін захоўвання якога складае 60 сутак і скончыўся амаль месяц таму», - адзначыў ён.

Варта адзначыць, што пратэрмінаваныя прадукты на паліцах беларускіх крамаў не рэдкасць.