«Мега Поліс» пазбавілі ліцэнзіі

Мінфін Беларусі прыпыніў дзеянні ліцэнзіі страхавой кампаніі «Мега Поліс».

Пра гэта гаворыцца ў паведамленні Мінфіна.

«Адкрытым акцыянерным страхавым таварыствам «Мега Поліс» не ліквідаваныя выяўленыя ў ходзе кантрольных мерапрыемстваў парушэнні патрабаванняў заканадаўства аб страхаванні, якія выявіліся ў незабеспячэнні грашовымі сродкамі мінімальнага памеру статутнага фонду, неналежным фармаванні і забеспячэнні грашовымі сродкамі страхавых рэзерваў і іх інвеставанні, у тэрмін, устаноўлены патрабаваннем (загадам) Міністэрства фінансаў ад 19.09.2013 № 13-2-6/296.

У гэтай сувязі Міністэрствам фінансаў згодна з загадам ад 09.04.2014 № 134 прынятае рашэнне аб прыпыненні з с 17.04.2014 па 16.10.2014 дзеяння выдадзенага адкрытаму акцыянернаму страхавому таварыству «Мега Поліс» спецыяльнага дазволу (ліцэнзіі) на ажыццяўленне страхавой дзейнасці № 0220013-00002», - гаворыцца ў паведамленні.

«Мега Поліс» - новая назва былога ААТ «Беларускі народны страхавы пенсійны фонд», які стаў вядомым дзякуючы Лукашэнку і афёры з дадатковым пенсійным страхаваннем прадпрыемстваў нафтахімічнай галіны, у тым ліку «Беларуськалій».