У жыхара Веткі за п'яную язду забралі чужое аўто
15- 17.04.2014, 20:06
- 16,597
Мужчына па просьбе сябра рамантаваў яго аўтамабіль Volkswagen Passat.
Калі ўсе непаладкі былі ліквідаваныя, паспрабаваў пратэставаць. Але да таго, як сесці за руль, выпіў. У выніку не справіўся з кіраваннем, урэзаўся ў чужы кветнік, разбіў чужы аўтамабіль, які ў выніку канфіскавалі, піша vetka.by.
Дзяржаўтаінспектары, якія прыбылі на месца ДТЗ, канстатавалі: кіроўца, які знаходзіўся за рулём Volkswagen, быў п'яны, але прайсці медыцынскі агляд адмовіўся, вадзіцельскага пасведчання ў жыхара Веткі пры сабе не было. Як высветлілася пазней, правоў мужчыну пазбавілі яшчэ ў студзені 2013 года за ўсё тое ж кіраванне аўто ў нецвярозым выглядзе.
Суд вызначыў парушальніку пакаранне ў выглядзе абмежавання волі з накіраваннем у выпраўленчую ўстанову адкрытага тыпу тэрмінам на два гады і шэсць месяцаў з пазбаўленнем права займацца дзейнасцю, звязанай з кіраваннем усімі відамі аўтамабільнага транспарту, тэрмінам на пяць гадоў і штрафам у памеры 150 базавых велічынь. Акрамя гэтага, суд прыняў пастанову канфіскаваць у даход дзяржавы аўтамабіль.