28 сакавiка 2024, Чацвер, 20:08
Падтрымайце
сайт
Сім сім,
Хартыя 97!
Рубрыкі

«Чарнобыльскі шлях»: ад Акадэміі Навук да Бангалор

11
«Чарнобыльскі шлях»: ад Акадэміі Навук да Бангалор

Збор удзельнікаў акцыі - 26 красавіка ў 16-00 каля кінатэатра «Кастрычнік».

Арганізатары «Чарнобыльскага шляху» атрымалі адказ з Менгарвыканкама, у адпаведнасці з якім 26 красавіка шэсце дазваляецца правесці па праспекце Незалежнасці і вуліцы Сурганава да парку Дружбы народаў.

Заяўку ў Менгарвыканкам на правядзенне дэманстрацыі падавалі прадстаўнікі аргкамітэта «Чарнобыльскага шляху» Марына Хоміч (аргкамітэт БХД), Ілля Дабратвор (рух салідарнасці «Разам») і Аляксей Янукевіч (Партыя БНФ).

«Такім чынам, збор адбудзецца з 16.00 да 16.30 каля кінатэатра «Кастрычнік», затым пройдзем шэсцем па праспекце Незалежнасці і вуліцы Сурганава. З 17.30 да 18.30 дазволены мітынг у парку Дружбы народаў», - паведаміў «Радыё Свабода» адзін з заяўнікаў, старшыня Партыі БНФ Аляксей Янукевіч.

Заяўка была пададзеная на правядзенне шэсця ў першай палове дня і зусім па іншым маршруце - па вуліцах Сурганава і Якуба Коласа ў Курапаты.

«Нам патлумачылі, што паказаны ў заяўцы маршрут парушае артыкул 4.9 Закона Рэспублікі Беларусь аб правядзенні масавых мерапрыемстваў, у адпаведнасці з якім дэманстрацыі не могуць праходзіць побач з будынкамі, у якіх знаходзіцца шмат людзей», - дадаў Аляксей Янукевіч.

«Чарнобыльскі шлях» - вулічная акцыя, якую беларуская апазіцыя праводзіць штогод з 1988 года ў Менску ў фармаце шэсця, якое завяршаецца мітынгам прадстаўнікоў дэмакратычных сіл. Выключэнне склаў 2011 год, калі сталічныя ўлады ўпершыню забаранілі шэсце, даўшы дазвол толькі на правядзенне мітынгу.

Напісаць каментар 11

Таксама сачыце за акаўнтамі Charter97.org у сацыяльных сетках