Легендарная Масяня звар’яцела пасля прагляду расейскай ТВ

Гераіня вядомага мультфільма ўключыла тэлевізар на пяць хвілін.

У сетцы з'явіўся новы эпізод легендарнага мультсерыяла «Масяня». У 121 серыі аўтар Алег Куваеў «прымушае» сваю гераіню толькі некалькі хвілін паглядзець расейскую тэлевізію і паказвае наступствы гэтага.

Масяню давялося аглядаць псіхіятру, які параіў знішчыць тэлевізар і выехаць на адпачынак у адну са спакойных краін.

«Пытанне толькі ў тым, ці ўсе звар’яцелі ці яшчэ. Прамыванне мазгоў - страшная штука. Прычым чалавек з прамытымі глуздамі звычайна называе такімі сваіх апанентаў і ўзнікае жудасная блытаніна. У наш час, як ніколі, важная асабістая інфармацыйная гігіена», - пракаментаваў гэтую серыю Куваеў.

Асцярожна, ненарматыўная лексіка