Баевікі абстралялі верталёт над Славянскам
10- 19.04.2014, 12:33
- 22,330
Верталёт не быў вайсковым і раскідваў над горадам улёткі з тэкстам Жэнеўскіх пагадненняў.
Пра гэта паведаміў у сваім акаўнце ў сацыяльнай сетцы «Фэйсбук» дырэктар украінскага Цэнтра вайскова-палітычных даследаванняў Дзмітрый Тымчук.
«Паводле аператыўных звестак групы «Інфармацыйны Супраціў», над Славянскам, занятым экстрэмістамі, быў абстраляны верталёт. З абстралянага верталёта раскідваліся ўлёткі з тэкстам Жэнеўскіх пагадненняў ад 17 красавіка.
Верталёт быў грамадзянскім і афарбаваным у белы колер. Зблытаць яго з вайсковым было вельмі праблематычна», - паведаміў ён.
Абстрэл вёўся са стралковай аўтаматычнай зброі калібра 7,62 мм.
Нагадаем, з 6 красавіка расейскія дыверсійныя групы і мясцовыя сепаратысты пачалі планамерныя захопы будынкаў адміністрацый ва ўсходніх абласцях Украіны, а таксама ўпраўленняў МУС і СБУ, якія прывабліваюць баевікоў зброевым арсеналам .