Альпіністы знялі на відэа сход гіганцкай лавіны на Эверэсце

Самую разбуральную лавіну, якая забрала жыцці не менш чым 15 чалавек, знялі на відэа.

Лавінай накрыла групу непальцаў у складзе 25 чалавек. На сёння знойдзеныя целы 15. Пошукі астатніх працягваюцца, паведамляе ІТАР-ТАСС. Паводле ацэнак грамадства альпіністаў Непала, гэта НЗ прывяло да найбольшай колькасці ахвяр за ўсю гісторыю ўзыходжання на Эверэст.

У момант сходу лавіны прадстаўнікі народнасці шэрпаў, якія пражываюць на ўсходзе Непала, уздымалі альпінісцкі рыштунак у адзін з намётавых лагераў. Іх задачай было таксама забеспячэнне бяспекі маршруту, у прыватнасці, умацаванне канатаў у мястэчку Саўт-кол на вышыні 8000 м, піша NEWSru.com.

Тэлеканал Al-Jazeera апублікаваў відэа з месца ліквідацыі наступстваў трагедыі.

Таксама было апублікаванае відэа моманту сходу лавіны, аднак яго сапраўднасць праверыць пакуль не ўдалося, адзначае сайт Stormnews.