У бункеры пад Кіевам знайшлі 40 мяхоў дакументаў Нафтагаза
- 19.04.2014, 20:41
- 15,193
Гэтыя дакументы былі выкрадзеныя ў кампаніі яшчэ ў лютым.
У бункеры пад Белагародкай у Кіеўскай вобласці актывісты выявілі 41 мех з дакументамі НАК "Нафтагаз Украіны".
Пра гэта паведамілі ў эфіры 5 канала.
Актывісты, якія адпачывалі побач, зайшлі ўнутр бункера і налучылі на знаходку. Прыналежнасць дакументаў да кампаніі актывісты выявілі на саміх паперах - там былі адпаведныя надпісы.
Пасля выяўлення знаходкі звярнуліся ў праваахоўныя органы, на месца здарэння прыбыла следча-аператыўная група.
Цяпер мяхі апячатаныя, праводзяцца следчыя дзеянні. На месца падзеі таксама прыехаў прадстаўнік НАК "Нафтагаз", які паведаміў, што менавіта гэтыя дакументы былі выкрадзеныя ў кампаніі яшчэ ў лютым.
Як вядома, у сакавіку МУС распачало справу супраць службовых асобаў "Нафтагаза", якія падазраюцца ў крадзяжы дзяржмаёмасці на суму амаль паўтара мільярда грыўняў.
Былы кіраўнік кампаніі Яўген Бакулін цяпер арыштаваны.