Алену Каваленка будуць судзіць за байкот «выбараў»

Суд над жонкай былога палітвязня Сяргея Каваленкі адбудзецца 15 красавіка.

Пра гэта яна паведаміла сайту charter97.org.

«Учора мяне выклікаў участковы за пікет «Байкот выбарчаму фарсу» і склаў пратакол па артыкуле 23.34 КоАП, а потым уручыў позву ў Першамайскі суд Віцебска на 15 красавіка. Асуджаны на 7 сутак арышту за гэты пікет Ян Дзяржаўцаў учора выйшаў на свабоду», - адзначыла яна.

Нагадаем, актывісты КХП БНФ 22 сакавіка арганізавалі пікет каля выбарчага ўчастка ў Віцебску. У ім узялі ўдзел Ян Дзяржаўцаў і Алена Каваленка. Яны разгарнулі плакат з надпісам «Байкот выбарчаму фарсу» і публічна парвалі запрашэнні на «выбары».