Генпракуратура Беларусі прад'явіла 15 пазоваў па «калійнай справе»

Да фігурантаў «калійнай справы» будуць прад'яўленыя пазовы аб кампенсацыі шкоды, у тым ліку і ў расейскі суд.

Пра гэта заявіў генеральны пракурор Беларусі Аляксандр Канюк журналістам у сераду ў Менску, піша «Інтэрфакс».

«Генпракуратура заявіць грамадзянскія пазовы да фігурантаў «калійнай справы» як да фізічных асоб, якія вінаватыя ў яго прычыненні судаводства. У тым ліку будзем апераваць такімі паняццямі, як «выпушчаная выгада», - заявіў ён.

Паводле яго слоў, распачата каля 15 крымінальных спраў. Пры гэтым Канюк не ўдакладніў суму пазоваў, але сказаў, што яна будзе не менш $100 млн.

Генпракурор таксама адзначыў, што беларускі бок мае намер «падаваць у парадку рэалізацыі міжнародных дамоваў пазоў у рамках крымінальнай справы, якая расследуецца ў Расеі». І падкрэсліў, што «ў адпаведнасці з наяўнай практыкай у дадзенага пазову добрая судовая перспектыва».

«Я размаўляў з генеральным пракурорам Расеі, такія пазовы задавальняліся. Будзем хоць бы часткова кампенсаваць нанесены ўрон дзяржаве», - сказаў А.Канюк.

Ён таксама праінфармаваў, што Генпракуратура рыхтуецца перадаць расейскім калегам усе матэрыялы калійнай справы ў дачыненні да грамадзян РФ. Беларускія праваахоўнікі, паводле яго слоў, будуць расследаваць «толькі крымінальную справу ў дачыненні да нашых фігурантаў, службовых асобаў».