Джозэф Байдэн: Расею чакае ізаляцыя за падтрымку тэрарыстаў
14- 22.04.2014, 14:38
- 15,179
Масква павінна адмовіцца ад падтрымкі захопнікаў адміністрацыйных будынкаў ва Украіне.
У выпадку яе працягу Масква трапіць у яшчэ большую міжнародную ізаляцыю.
Пра гэта сказаў віцэ-прэзідэнт ЗША Джозэф Байдэн у сваёй заяве для прэсы пасля перамоваў з прэм'ер-міністрам Украіны Арсеніем Яцанюком у аўторак, 22 красавіка ў Кіеве, перадае «Інтэрфакс-Украіна».
«Ні адна нацыя не павінна пагражаць іншай краіне шляхам размяшчэння сваіх войскаў на мяжы і такім чынам дэстабілізаваць сітуацыю ў свайго суседа. Мы хочам, каб Расея не падтрымлівала людзей, якія хаваюцца за маскамі і апранутыя ў ваенную ўніформу, і якія захопліваюць будынкі на ўсходзе краіны, і мы хацелі б сказаць, што больш правакацыйныя паводзіны Расеі прывядуць да большай ізаляцыі», - сказаў Байдэн.
Раней віцэ-прэзідэнт ЗША сустрэўся з в.а. прэзідэнта Украіны Аляксандрам Турчынавым, які адзначыў, што Расея не выконвае дасягнутых у Жэневе дамоўленасцяў.
Фота: Reuters