Перамовы па газе з удзелам РФ, ЕЗ і Украіны могуць адбыцца заўтра

Чатырохбаковыя газавыя перамовы з удзелам прадстаўнікоў Еўрапейскага звяза, Украіны, Расеі і Славакіі могуць адбыцца ў бліжэйшы чацвер.

Пра гэта паведаміў міністр энергетыкі і вугальнай прамысловасці Юрый Продан, інфармуе "Інтэрфакс-Украіна".

"Ёсць прапанова ад расейскага боку і ад Еўракамісіі правесці чатырохбаковую або трохбаковую сустрэчу. Сёння разглядаецца пытанне сустрэчы ў Браціславе трох міністраў - еўракамісара, міністра славацкага, расейскага і мяне", - сказаў ён журналістам у сераду ў Кіеве.

Міністр удакладніў, што такая сустрэча можа адбыцца ў чацвер, але пакуль канчатковага пацверджання няма.

Продан нагадаў, што ўкраінскі бок накіраваў Расейскай Федэрацыі свае прапановы па кошце на газ, па якім Украіна гатовая яго набываць, але адказу пакуль не атрымала.