Гарады Данбаса захоплівалі спецназаўцы пецярбургскага «Тайфуну»
57- 23.04.2014, 12:41
- 122,459
Байцоў апазналі па фота- і відэаматэрыялах.
«Зялёныя чалавечкі» на Данетчыне апынуліся спецназаўцамі з Санкт-Пецярбурга. Байцоў апазналі па фатаграфіях і па характэрным слове «парэбрык», якое ўжываецца толькі ў Санкт-Пецярбургу, паведамляе kramatorsk.info.
Гэтыя байцы з'яўляюцца ветэранамі атрада спецыяльнага прызначэння УФСІН «Тайфун», які размяшчаецца ў гэтым горадзе. У 2000 годзе яны бралі ўдзел у кровапралітных баях каля Камсамольскага ў Чачні, два чалавекі загінулі.
Адзін з байцоў удзельнічаў у расейскім уварванні ў Грузію.
Нагадаем, з 6 красавіка расейскія дыверсійныя групы і мясцовыя сепаратысты пачалі планамерныя захопы будынкаў адміністрацый ва ўсходніх абласцях Украіны, а таксама ўпраўленняў МУС і СБУ, якія прывабліваюць баевікоў зброевым арсеналам.
У адказ улады Украіны прынялі рашэнне аб пачатку антытэрарыстычнай аперацыі ва ўсходніх рэгіёнах краіны. На Данбас перакінулі вайскоўцаў і тэхніку.
Ноччу 20 красавіка ў горадзе Славянску Данецкай вобласці, які захоплены тэрарыстамі, была арганізаваная чарговая правакацыя. Каля 3:00 на блокпосце паміж дзвюма групамі грамадзян узнікла ўзброеная сутычка. У выніку гэтага, загінулі, па розных дадзеных, ад аднаго да трох чалавек. Тэрарысты выкарыстоўвалі правакацыю для просьбы да Пуціна аб увядзенні войскаў ва Усходнюю Украіну.