Беларусь не ўдзельнічае ў саміце «Усходняга партнёрства» ў Празе

Саміт «Усходняга партнёрства» сёння адкрываецца ў сталіцы Чэхіі.

Саміт наведаюць прэзідэнты Аўстрыі, Польшчы, Славакіі, Венгрыі, Малдовы, Грузіі і Арменіі. На мерапрыемстве ўкраінская дэлегацыя павінна была быць прадстаўлена на самым высокім узроўні, але з-за складанай палітычнай сітуацыі на сустрэчах Украіну будзе прадстаўляць кіраўнік МЗС, паведамляе «Радыё Свабода».

Раней паведамлялася, што Беларусь на саміце прадставіць прэм'ер-міністр краіны Міхаіл Мясніковіч, аднак раней МЗС краіны паведаміў, што кіраўнік урада не возьме ўдзел у сустрэчы.

У Празе будуць абмяркоўвацца перспектывы развіцця ініцыятывы Усходняе партнёрства і палітычная сітуацыя ва Украіне.

«Усходняе партнёрства» - знешнепалітычная ініцыятыва Еўрапейскага звяза, якая распаўсюджваецца на шэсць усходнееўрапейскіх суседзяў Еўразвяза - Азербайджан, Беларусь, Арменію, Грузію, Малдову і Украіну. Партнёрства прадугледжвае магчымасць абнаўлення дамоўна-прававой базы стасункаў ЕЗ з усходнімі суседзямі шляхам замены дзеючых пагадненняў аб партнёрстве і супрацоўніцтве на пагадненні аб асацыяцыі, стварэння паглыбленых і ўсёабдымных зон свабоднага гандлю (ЗСГ), лібералізацыі візавага рэжыму паміж ЕЗ і дзяржавамі-партнёрамі.