На МКАД знізяць хуткасць да 50 км/г на Радаўніцу
- 24.04.2014, 10:42
- 4,960
29 красавіка будзе ўскладнены рух на 14-м кіламетры МКАД.
Гэта звязана з Радаўніцай. Як паведамілі ў ДАІ Заводскага раёна карэспандэнту onliner.by, на працягу ўсяго дня тут будзе арганізаваны часовы наземны пешаходны пераход, які вядзе да Чыжоўскіх могілак.
«Хуткасць будзе зніжаная з дапамогай часовых знакаў, - дапоўнілі інспектары. - Максімальна дазволеная хуткасць у гэты дзень на згаданым участку - 50 км/г. За выкананнем правілаў будуць сачыць супрацоўнікі ДАІ. Яны ж пракантралююць уезд на тэрыторыю могілак. Па меры запаўнення аўтамабілямі заезд будзе перакрывацца. Таксама на МКАД (унутранае кольца) у раёне могілак будзе дазволеная стаянка на абочыне (усяго ёсць месцы для трох тысяч аўтамабіляў). Магчымыя абмежаванні пры руху па крайняй правай паласе».
З-за магчымага павелічэння патоку машын у Дзяржаўтаінспекцыі рэкамендуюць аўтамабілістам наведаць месцы пахавання ў выходныя, а ў Радаўніцу скарыстацца грамадскім транспартам.