У Краматорску тэрарысты паранілі ўкраінскага вайскоўца і прадстаўніка СБУ

Пад час баявога сутыкнення каля аэрадрома ў Краматорску параненыя прадстаўнікі СБУ і вайсковец ВВ МУС Украіны.

Пра гэта ў «Фэйсбуку» паведаміў кіраўнік Цэнтра вайскова-палітычных даследаванняў Дзмітрый Тымчук.

Нагадаем, з 6 красавіка расейскія дыверсійныя групы і мясцовыя сепаратысты пачалі планамерныя захопы будынкаў адміністрацый у гарадах усходніх абласцей Украіны. Журналісты заходніх СМІ паведамлялі, што сярод баевікоў прысутнічаюць і беларусы.

У адказ улады Украіны прынялі пастанову аб пачатку антытэрарыстычнай аперацыі ва ўсходніх рэгіёнах краіны. На Данбас перакінулі вайскоўцаў і тэхніку. 24 красавіка ўкраінская армія пачала вызваленне Славянска.