Гатэль у Закапанэ адмовіўся прымаць «рускіх акупантаў»
60- 3.04.2014, 12:27
- 50,593
Гасцініца на папулярным гарналыжным курорце Польшчы не засяляе грамадзян РФ з-за анэксіі Крыма.
Гендырэктар гатэля Diamond's Rzemieślnik распарадзіўся вывесіць на цэнтральным балконе польскі і ўкраінскі сцягі, піша эканамічны партал Forsal.pl (пераклад - charter97.org).
«Для расейскага тут ніколі не будзе месца. Пакуль 90% расейцаў будуць падтрымліваць дзеянні цяперашняга прэзідэнта, асабліва ў пытанні Крыма, наш гатэль будзе адмаўляць ім у гасціннасці», - заявіў Пётр Зыгарскі.
Гендырэктар гасцініцы адзначыў, што гэта не было лёгкім рашэннем, так як расейскіх турыстаў у Закапанэ кожны год вельмі шмат.
«Будзе цяжка, але добрага выніку мы дасягнем іншым спосабам. А калі расейцы так хацелі адхапіць Крым, то няхай зараз ездзяць адпачываць туды», - дадаў ён.