Юрый Раманенка: Незразумела, чым Лукашэнка можа быць карысны Кіеву

У беларускага кіраўніка няма рычагоў уплыву на Крэмль у адносінах з Украінай.

Так дырэктар украінскага цэнтра палітычнага аналізу «Стратагема», шэф-рэдактар ​​партала «Хвиля» Юрый Раманенка пракаментаваў сайту charter97.org заяву Лукашэнкі пра гатоўнасць «папрацаваць за Расею ва Украіне».

«Я не думаю, што Лукашэнка можа эфектыўна выконваць функцыю пасярэдніка. Таму што ў яго няма адпаведных рэсурсаў і незразумела, чым ён у прынцыпе можа быць карысны ў размове Кіева з Масквой. Хіба ён неяк уплывае на Пуціна ці Крэмль? Не. Гэта значыць ніякіх рычагоў уплыву на Маскву ў адносінах з Украінай, па вялікім рахунку, у яго няма. Таму ўсё гэта словы, і я лічу, што вялікага значэння гэтая ініцыятыва з боку Лукашэнкі не мае», - упэўнены палітолаг.

Нагадаем, сустракаючыся сёння ў Менску з губернатарам Калужскай вобласці Анатолем Артамонавым, беларускі дыктатар заявіў, што «гатовы папрацаваць за Расею ва Украіне». Пры гэтым ён падкрэсліў, што не робіць ні кроку без узгаднення з Масквой.

Фота: ua.glavred.info