BelToll вярнула аўтамабілістам 400 тысяч еўра

Грошы былі вернутыя «ў добраахвотным парадку».

Па перакананні намесніка начальніка Транспартнай інспекцыі Аляксея Куцаева, большасць канфліктаў атрымліваецца вырашыць, так бы мовіць, у рабочым парадку. Паводле яго слоў, да суда даходзяць толькі самыя зацятыя асобы, якія ніякім чынам не жадаюць успрымаць нормы заканадаўства. І восем спраў - гэта кропля ў моры ўсіх прэтэнзій, якія давялося разгледзець спецыяльна створанай камісіі па працы электроннай сістэмы разлікаў за праезд па платных дарогах BelToll, піша «Рэспублiка».

За парушэнне правілаў аплаты не прадугледжаная адміністрацыйная адказнасць. Штрафы не выпісваюць, але спаганяюць плату па значна больш высокім тарыфе. З эканамічнага пункту гледжання, больш выгадна добрапрыстойна праехаць усю трасу М1 ад мяжы Расеі да Брэста, чым смухляваць, праскочыўшы без аплаты некалькі кіламетраў. Калі даўжнік своечасова не разлічыцца, сума плацяжу можа значна вырасці. Ці трэба так жорстка «душыць» парушальнікаў рублём? Меркаванні выказваліся розныя і палярныя. Але канчатковая канцэпцыя атрымалася цалкам справядлівая, лічыць дзяржаўная газета. У нас адны з самых нізкіх «дарожных» коштаў у Еўропе. Але і стаўленне да парушальнікаў строгае.

У сакавіку было зафіксавана каля 8,3 тыс. фактаў несанкцыянаванага знаходжання на платных дарогах. За 8 месяцаў працы BelToll для парушальнікаў правілаў праезду агульная сума павышанай платы склала 9,5 млн еўра. Прэтэнзійны камісія разгледзела амаль 50 тыс. скаргаў аўтаўладальнікаў, з якіх абгрунтаванымі былі прызнаныя больш за 2 тыс. Па іх фінансавыя санкцыі адмяняліся і было вернута каля 400 тыс. еўра грамадзянам і арганізацыям.