28 сакавiка 2024, Чацвер, 23:13
Падтрымайце
сайт
Сім сім,
Хартыя 97!
Рубрыкі

Пуцін патрабуе ад Украіны перадаплату за газ

35
Пуцін патрабуе ад Украіны перадаплату за газ

Прэзідэнт Расеі лічыць, што "Газпрам" павінен пастаўляць газ ва Украіну толькі па папярэдняй аплаце.

Пра гэта ён заявіў на нарадзе ў сераду, паведамляе "Інтэрфакс-Украіна". Ён сказаў, што пастаўкі будуць ажыццяўляцца ў тым аб'ёме, які будзе аплочаны за месяц наперад.

"Газпрам" будзе пастаўляць газ толькі ў тых аб'ёмах, якія будуць праплочаныя ўкраінскім бокам за месяц наперад, - заявіў Уладзімір Пуцін. - Колькі яны заплацяць, столькі і атрымаюць".

Таксама ён сказаў, што Расея павінна быць гатовая да імпартазамяшчэння тавараў з Украіны. Пра гэта ён заявіў, звяртаючыся да міністра прамысловасці Дзяніса Мантурава.

"Я вас прашу дысцыплінавана выконваць усе кантрактныя абавязацельствы з украінскімі партнёрамі, але нам трэба быць загадзя гатовымі да любога развіцця сітуацыі, у тым ліку з пункту гледжання імпартазамяшчэння, - сказаў Пуцін. - Нам трэба загадзя падумаць пра тое, дзе, на якіх прадпрыемствах, у якія тэрміны і на якія грошы мы зможам разгарнуць сваю ўласную вытворчасць".

Нагадаем, 3 красавіка старшыня Газпрама падчас сустрэчы з кіраўніком урада Расеі заявіў, што ўрад РФ у сувязі з аднабаковай дэнансацыяй пагадненняў з Украінай па Чарнаморскім флоце, у прыватнасці харкаўскіх пагадненняў, адмяніла льготную мытную пошліну на газ для Украіны, што прадугледжвае павышэнне кошту на газ на $100 - да $485 за тысячу кубаметраў. Урад Украіны заявіў, што не прымае такі кошт.

Напісаць каментар 35

Таксама сачыце за акаўнтамі Charter97.org у сацыяльных сетках