29 сакавiка 2024, Пятніца, 4:28
Падтрымайце
сайт
Сім сім,
Хартыя 97!
Рубрыкі

Бабруйскія ўлады забаранілі пікет салідарнасці з палітвязнем

Бабруйскія ўлады забаранілі пікет салідарнасці з палітвязнем

Бабруйскі гарвыканкам не дазволіў правесці акцыю падтрымкі Яўгена Васьковіча.

Каардынатар бабруйскага аддзялення БХД Таісія Кабанчук паведаміла ПЦ "Вясна", што атрымала адказ з гарвыканкама, у якім мясцовым актывістам адмоўлена ў правядзенні пікету.

Пікет планаваўся ў якасці падтрымкі бабруйчаніна Яўгена Васьковіча, на якога аказваецца моцны ціск адміністрацыі ў Магілёўскай турме №4. Нядаўна хлопца перавялі ў адзіночную камеру, стала вядома пра ціск і з боку сукамернікаў таксама. Пасля гэтага актывісты БХД вырашылі падаць заяўкі на правядзенне пікетаў салідарнасці ў некалькіх гарадах, у тым ліку ў Бабруйску.

Нагадаем, Яўген Васьковіч быў асуджаны разам з Арцёмам Пракапенкам і Паўлам Сырамалотавым. Яго прысудзілі да 7 гадоў зняволення паводле абвінавачання ў спробе падпалу дзвярэй бабруйскага аддзялення КДБ. Шмат разоў яго кідалі ў карцэр. Пазней з калоніі палітвязень быў пераведзены ў Магілёўскую турму як «злосны парушальнік рэжыму».

Напісаць каментар

Таксама сачыце за акаўнтамі Charter97.org у сацыяльных сетках