«Беларусбанк» знізіў стаўкі крэдытаў на будаўніцтва

Стаўкі паводле раней укладзеных крэдытных дамовах на будаўніцтва зніжаныя з 38,5% да 37,5% гадавых.

Адсоткавая стаўка ў 37,5% гадавых усталёўваецца і для новых крэдытаў, якія выдаюцца на будаўніцтва (рэканструкцыю) жылых памяшканняў. Пад 37,5% гадавых у Беларусбанку можна ўзяць крэдыт у суме 75% кошту жылля, якое будуецца. Тэрмін карыстання крэдытам - да 15 гадоў, паведамляе прэс-служба банка.

У мінулым годзе «Беларусбанк», «Белаграпрамбанк» і «Белінвестбанк» выдавалі жыллёвыя крэдыты пад 16%, аднак мелі вялікія страты і былі вымушаныя прыпыніць выдачу. Раней старшыня ўправы Нацыянальнага банка Надзея Ермакова паведаміла журналістам, што для развязання кватэрнага пытання беларусаў Нацбанк да канца 2014 года плануе распрацаваць сістэму будаўнічых ашчадку. Падобная сістэма працуе ў большасці краін свету. Са слоў старшыні ўправы, «сістэма будаўнічага ашчадку мае на ўвазе, што грамадзянін, які хоча мець жыллё, павінен сам назапашваць таксама».