Незалежнага журналіста з Брэста будуць судзіць 21 траўня
3- 19.05.2014, 13:39
- 5,430
Суд па справе Яўгена Скрабца перанеслі, а журналіста зноў арыштавалі.
У панядзелак раніцай у Ленінскім раённым судзе Брэста пачаўся суд над Яўгенам Скрабцом, паведамляе прэс-служба БАЖ.
У самым пачатку судовых слуханняў журналіст заявіў хадайніцтва аб допуску да разгляду адваката. Суддзя вырашыў перанесці працэс на раніцу 21 траўня і вызваліў Скрабца, выпісаўшы адпаведную позву.
Аднак супрацоўнікі міліцыі, якія прывезлі Скрабца ў суд, заявілі, што зноў яго затрымліваюць, і даставілі яго ў пастарунак.
Нагадаем, Яўгена Скрабца затрымалі ў суботу непадалёк ад яго дома ў Брэсце. На яго склалі адміністрацыйны пратакол па артыкуле «дробнае хуліганства».