Авакаў вылучыў ультыматум сепаратыстам

Украінская ўлада гатовая амніставаць тых, хто захопліваў будынкі, але не здзяйсняў цяжкіх злачынстваў.

Міністр унутраных спраў Арсэн Авакаў абвясціў патрабаванні Антытэрарыстычнага цэнтра сепаратыстам.

Патрабаванні МУС такія: неадкладна здаць зброю, неадкладна вызваліць усіх закладнікаў, вызваліць усе захопленыя адміністрацыйныя будынкі, спыніць беспарадкі і пагромы, піша lb.ua.

Адзначаецца, што ўкраінская ўлада гатовая амніставаць удзельнікаў грамадзянскага супрацьстаяння і захопу адміністрацыйных будынкаў, якія не ўчынілі цяжкіх гвалтоўных злачынстваў.

"Мы гатовыя весці перамовы з прысутнымі і іх прадстаўнікамі. Але тэрарыстам і ўзброеным сепаратыстам - толькі няўхільная кара", - сказаў кіраўнік ведамства.

Нагадаем, што ў Славянску працягваецца АТА. "На бягучы момант узятыя пад кантроль 9 блокпостаў тэрарыстаў у межах горада Славянска. Горад узяты ў шчыльнае кальцо", - заявіў міністр унутраных спраў Арсэн Авакаў, які знаходзіцца на месцы падзей.

У ходзе правядзення АТА сепаратыстамі былі збітыя два ўкраінскіх верталёта. Загінула два ўкраінскіх вайскоўца і адзін чалавек з боку сепаратыстаў у Славянску.