Ігар Аліневіч: Двудумства ў Расеі выйшла на новы ўзровень

Расейскія прапагандысты не баяцца хлусні, відавочнай супярэчлівасці слоў і нават бравіруюць гэтым.

Пра гэта Ігар Аліневіч напісаў у лісце, тэкст якога размясціла ў «Фэйсбуку» яго маці Валянціна Аліневіч.

«Пішу табе з невялікай затрымкай, вельмі ўжо душна-горача стала, цяжка доўга пісаць, прыходзіцца расцягваць у часе. Настрой у мяне нармальны, нягледзячы на асабліва павышаную ўвагу да маёй сціплай персоны ў пачатку траўня. Да трохгоддзя судовага вердыкту адчуў завяршэнне цэлай старонкі сваіх творча-пазнавальных схільнасцяў, ну, маркетынгу-псіхалогіі і да т.п. Да таго ж скончыў сартаванне назапашаных лістоў. Вельмі парадавалі твае апавяданні пра кіндэраў: калі чытаю і гляджу іх фоткі, як быццам пераношуся ў іншы свет, чалавечы. Наконт дня Перамогі ў мяне і раней ідэйная пазіцыя была. Але адна справа тэорыя, а іншая справа, калі тэорыя фактурай ужо вельмі блізкай абрастае. Я блізка да сэрца прыняў у Салжаніцына, як паступілі пасля вайны з тымі, хто заваёўваў гэтую перамогу, савецкімі ваеннапалоннымі, остэрамі і многімі іншымі, хто на акупаваных тэрыторыях пражываў. Тут такая ментальная атмасфера, спрыяе паслядоўнасці самаразумення і ўчынкаў. У Расеі аналогіі 30-х вельмі моцныя, нахабная хлусня ў стылі Молатава адрадзіла галоўны прынцып Гебельсаўскай прапаганды «Хлусіць - так па поўнай». Тое ж маханне прынцыпамі свабоды слова, правоў чалавека, гуманізму, як у свой час махалі савецкія амбасадары і прадстаўнікі якіх-небудзь КК і КПК. Вельмі добра напісаў Юнг: «Маральны выбар індывідуальнай чалавечай сутнасці больш не прымаецца пад увагу - значэнне мае толькі сляпы рух мас, а хлусня становіцца асноўным прынцыпам палітычнай дзейнасці». Але недастаткова гаварыць толькі пра аналогіі, тэхналогія хлусні мадэрнізавалася нават у параўнанні з 30-мі. Такое двудумства - прынцыпова новы ўзровень, так як цяпер ужо не баяцца хлусні, відавочнай супярэчлівасці слоў, нават бравіруюць гэтым. Оруэл глядзеў далёка наперад... З газет я ўжо ведаю пра затрыманні перад ЧС у падрабязнасцях. Чакана. Яшчэ чытаў, што туды ж накіроўваюць менскіх прастытутак :). Вось так кампанія сабралася! Гі Дэбар у свой час пісаў, што рэвалюцыя будучыні - гэта доля футбольных фанатаў, прастытутак і наркаманаў. Так яно і атрымліваецца», - напісаў Аліневіч.

Актывіст анархісцкага руху Ігар Аліневіч асуджаны на 8 гадоў нібыта за хуліганскія дзеянні адносна афіцыйных будынкаў. Сваёй віны палітвязень не прызнаў і адмовіўся падаваць прашэнне аб памілаванні.