У Луганскай вобласці знішчаны трэніравальны лагер баевікоў

Сёння авіяцыйным ударам знішчаны трэніравальны лагер тэрарыстаў, які размяшчаўся на турбазе Ясены Луганскай вобласці.

Пра гэта паведаміў кіраўнік МУС Украіны Арсэн Авакаў на сваёй старонцы ў «Фэйсбуку».

Авакаў пакінуў паведамленне пад адным са сваіх пастоў і ніякіх падрабязнасцяў аперацыі не прывёў, піша liga.net.

Нагадаем, актыўная фаза антытэрарыстычнай аперацыі ў Данбасе працягваецца. Учора тэрарысты паспрабавалі захапіць данецкі аэрапорт, але былі выбітыя з яго сіламі АТА. Паводле папярэдняй інфармацыі, тэрарысты страцілі не менш за 200 чалавек.

У Марыупалі байцы батальёна "Украіна" і спецпадраздзялення МУС "Азоў" правялі паспяховую выведвальную аперацыю, у выніку якой у сілавікоў атрымалася ліквідаваць мінімум пяць тэрарыстаў.