29 сакавiка 2024, Пятніца, 4:59
Падтрымайце
сайт
Сім сім,
Хартыя 97!
Рубрыкі

Гомельскаму актывісту пагражалі расправай за ўкраінскі сцяг

10
Гомельскаму актывісту пагражалі расправай за ўкраінскі сцяг

Невядомыя напалі на актывіста кааліцыі «Наша альтэрнатыва» Кастуся Жукоўскага.

2 траўня трое невядомых а 21.00 напалі на прыватны дом актывіста кааліцыі «Наша альтэрнатыва» Кастуся Жукоўскага і пагражалі яму фізічнай расправай за ўсталяваны на даху ўкраінскага сцяга. Сцяг краіны-суседкі актывіст усталяваў на даху свайго дома ў пачатку сакавіка ў знак салідарнасці з украінскім народам. Побач таксама лунае бел-чырвона-белы сцяг.

«Вечарам невядомыя сталі гучна стукаць у брамку, яны спрабавалі прарвацца ў двор і нецэнзурна лаяліся. Мая дачка і жонка спалохаліся шуму. Я спытаў з акна ў гэтых людзей, што яны хочуць. У адказ пачуў пагрозы, маўляў, выходзь, мы цябе заб'ём, пазбаўцеся ад гэтай анучы з даху, нам не падабаецца гэты сцяг. Яны крычалі нешта пра Крым, Бандэру, Майдан і яшчэ невядома што. Адзін крычаў, што ў яго два дзяды і бацька ў вайну загінулі, хоць па ўзросту яму каля сарака», - паведаміў БелаПАН Жукоўскі.

Ён выклікаў міліцыю. «Яны і ў прысутнасці міліцыі працягвалі мацюкацца і пагражаць мне. Міліцыя выклікала аўтамабіль, каб адвесці хуліганаў на разгляд у аддзел. Я не паехаў: у мяне дзіця дома. Чым усё скончылася, пакуль не вядома. Я растлумачыў і міліцыі, і тым, хто нападаў, што такія паводзіны вядуць да фашызму. Сёння ім не падабаецца ўкраінскі сцяг, заўтра - колер вачэй каго-небудзь, а паслязаўтра з'явяцца канцэнтрацыйныя лагеры», - дадаў актывіст.

За два месяцы, на працягу якіх дом Кастуся Жукоўскага ўпрыгожваў украінскі сцяг, прэтэнзій ад каго-небудзь да яго не паступала.

Напісаць каментар 10

Таксама сачыце за акаўнтамі Charter97.org у сацыяльных сетках