Акцыя ў цэнтры Менска: Лукашэнка, усіх не пасадзіш!
19- 5.05.2014, 18:23
- 64,872
Вечарам 4 траўня нацболы правялі акцыю прымеркаваную да адкрыцця ЧС у хакеі.
На паркане ля галоўнага ўваходу ў Парк Чалюскінцаў нацболы павесілі расцяжку «Усіх не пасадзіш!» з фатаграфіяй Лукашэнкі, а таксама раскідалі тэматычныя ўлёткі супраць пераследу беларускіх грамадскіх актывістаў.
Пра гэта актывісты паведамілі сайту charter97.org.
«Самая мэта акцыі - звярнуць увагу абывацеляў на рэпрэсіі супраць грамадскіх і апазіцыйных актывістаў Беларусі. Цяперашняя сітуацыя ў краіне наглядна дэманструе, што дзеля прыгожай выявы, дабрабыту замежных грамадзян і дзеля асабістых прыхамацяў Лукашэнкі ўлады ахвочыя пераступіць правы і вольнасці сваіх грамадзян. У той час як кошты растуць, а заробкі заставацца ранейшымі, Лукашэнка гуляе ў сваю любімую гульню, за якую ўжо цяпер расплачваецца просты беларускі народ і ў першую чаргу грамадскія актывісты. Мы рашуча супраць беларускай рэпрэсіўнай машыны ўлады і правасуддзя і патрабуем спыніць пераследу грамадскіх актывістаў паводле палітычных матываў», - адзначылі актывісты.
На шчасце, ніхто з удзельнікаў акцыі затрыманы не быў.