Актывіста «Еўрапейскай Беларусі» Сяргея Мацкойця арыштавалі на 20 сутак

Апазіцыянера адправілі ў турму на Акрэсціна.

Пра гэта паведамілі сайту charter97.org таварышы актывіста.

Нагадаем, актывіст «Еўрапейскай Беларусі» Сяргей Мацкойць быў затрыманы сёння раніцай на працы супрацоўнікамі міліцыі, на яго быў складзены пратакол па артыкуле 17.1 КоАП РБ (дробнае хуліганства). Суд Маскоўскага раёна горада Менска асудзіў яго на 20 сутак арышту.

На працягу апошніх двух тыдняў супрацоўнікамі міліцыі былі затрыманыя больш за 20 актывістаў апазіцыі. Праваабаронцы звязваюць арышты з правядзеннем чэмпіянату свету па хакеі ў Менску.