28 сакавiка 2024, Чацвер, 21:33
Падтрымайце
сайт
Сім сім,
Хартыя 97!
Рубрыкі

Гамяльчанка арганізавала абменнік дома

5
Гамяльчанка арганізавала абменнік дома

320 млн рублёў выявілі ў кватэры жыхаркі Гомеля супрацоўнікі АБЭЗ Савецкага РАУС.

Жанчына дома арганізавала абменны пункт. Паслугамі па продажы і набыцці буйных сум валюты карысталіся ў асноўным камерсанты. Памер адной здзелкі дасягаў $15 тысяч, піша мясцовае выданне «Советский район».

У дачыненні да жанчыны распачатая крымінальная справа за незаконную прадпрымальніцкую дзейнасць.

- Акрамя крымінальнай адказнасці, за незаконныя валютна-абменныя аперацыі прадугледжаная таксама адміністрацыйная, - удакладніў намеснік начальніка Савецкага РАУС Андрэй Баранец. - Грамадзяне, якія карыстаюцца паслугамі валютчыкаў, рызыкуюць атрымаць штраф да 100 базавых велічынь з канфіскацыяй прадмета правапарушэння.

З пачатку года супрацоўнікі АБЭЗ выявілі тры правапарушэнні, звязаныя з нелегальнымі валютна-абменнымі аперацыямі. З незаконнага абароту канфіскавана валюты на суму больш за 350 млн рублёў.

Напісаць каментар 5

Таксама сачыце за акаўнтамі Charter97.org у сацыяльных сетках