«Газпрам» перавёў Украіну на рэжым перадаплаты за газ

Расейская кампанія абвясціла аб увядзенні рэжыму перадаплаты для паставак ва Украіну.

Пра гэта гаворыцца ў паведамленні кампаніі ў панядзелак, 16 чэрвеня.

«Сёння з 10.00 па маскоўскім часе «Газпрам», у поўнай адпаведнасці з дзейсным кантрактам, перавёў НАК «Нафтагаз Украіны» на перадаплату паставак газу», - гаворыцца ў паведамленні.

У кампаніі заявілі, што такая пастанова прынята з прычыны хранічных неплацяжоў «Нафтагаза Украіны».

«Пратэрмінаваная запазычанасць кампаніі за пастаўлены расейскі газ складае $4,458 млрд: $1,451 млрд - за лістапад-снежань 2013 года і $3,007 млрд - за красавік-травень 2014 года», - гаворыцца ў паведамленні.

***

З 1 красавіка цана на газ для Украіны вырасла з 268,5 даляраў да 485 даляраў за тысячу кубаметраў. Гэта адбылося ў выніку скасавання дзвюх зніжак. Адна з іх была прапанавана ў снежні 2013 года і пасля рэвалюцыі скасавана. Іншая зніжка давалася згодна з харкаўскімі пагадненнямі 2010 года ў абмен на знаходжанне Чарнаморскага флоту ў Крыме і была скасавана пасля акупацыі паўвострава.

Расея прапанавала Кіеву кампраміс: зніжку да кантрактнай цаны ў 100 даляраў за тысячу кубаметраў - да 385 долараў. Аднак украінскі бок гэта прапанова не задаволіла, перш за ўсё - механізм прапанавання зніжкі за кошт экспартнай пошліны. Кіраўнік Мінэнерга Украіны Юрый Продан называў такі механізм «пасткай», паколькі прадстаўленне зніжкі, як і яе скасаванне, залежыць ад расейскага ўрада. Кіеў патрабуе ўнесці змены ў сам кантракт.

Пры гэтым украінскі бок настойвае на ўстанаўленні кошту на ўзроўні першага квартала ў 268,5 даляраў, адмаўляючыся інакш аплачваць газ, уключаючы ўжо пастаўлены. У працэсе перамоў, якія ішлі амаль два месяцы, Украіна зрушылася з гэтай пазіцыі, выказаўшы гатоўнасць плаціць за газ па часовай цане, якая была б вызначаная на тэрмін разгляду ў Стакгольмскім арбітражы, дзе Кіеў спадзяецца дамагчыся перагляду кантракту «Газпрама» і «Нафтагаза».

Спачатку міністр энергетыкі Украіны заявіў, што такой цаной маглі б стаць 326 даляраў. У ноч на панядзелак стала вядома, што ўкраінскі бок падтрымаў прапанову ЕЗ устанавіць цану для зімовага перыяду ў 385 даляраў, для летняга - у 300 даляраў ці крыху больш.