За ўдзел у парадзе студэнтам абяцаюць 600 тысяч

Студэнтаў БДУ завабліваюць на парад 3 ліпеня грашовымі бонусамі.

Як стала вядома сайту charter97.org, студэнтам Беларускага дзяржаўнага ўніверсітэта ў сацсетках прапануюць 600 тысяч рублёў за ўдзел у парадзе на Дзень Незалежнасці 3 ліпеня.

«Ёсць проста унікальная магчымасць паўдзельнічаць у парадзе 3 ліпеня! Акрамя таго што гэта надзвычай цікава, вам яшчэ і заплацяць прэмію ў суме 600 000 рублёў», - гаворыцца ў паведамленні, апублікаваным у групе журфаку БДУ ў сацыяльнай сетцы «Вконтакте».