Па Менску раз'язджаюць тры суперкары з чэшскімі нумарамі (Відэа)
11- 24.06.2014, 10:21
- 32,323
Адразу тры суперкары заўважылі менчукі ў цэнтры горада - Dodge Viper, Nissan GT-R і Lamborghini Aventador c чэшскімі нумарамі.
На думку форумцаў onliner.by, гэта з'язджаюцца ўдзельнікі фестывалю хуткасці Unlim 500 + «Беларусь».
Як паведаміў удзельнік форуму RendelM, аўтамабілі былі заўважаныя каля гатэля Crown Plaza. «Эвакуатарнікі былі ў шоку», - піша карыстальнік.
Нагадаем, фестываль хуткасці пройдзе 9 і 10 жніўня. Дыстанцыя заездаў у Менску складзе 1 кіламетр. У Unlim 500 + бяруць удзел аўтамабілі такіх вытворцаў, як Porsche, Aston Martin, Lamborghini, Ferrari, Jaguar, Mercedes, BMW, Audi ды іншых. Галоўнае патрабаванне - наяўнасць не менш за 500 л с пад капотам. Праўда, былі выпадкі, калі да заезду дапускалі менш магутныя аўтамабілі.