banner1 banner1 banner1

3.06.2014

Эколагі патрабуюць спыніць высечку лесу ў нацыянальным парку «Прыпяцкі» 11

19:42, — Экалогія

Эколагі патрабуюць спыніць высечку лесу ў нацыянальным парку «Прыпяцкі»

Актывісты грамадскай кампаніі «Захаваем прыпяцкія дубровы» патрабуюць тэрміновага перагляду палітыкі кіравання паркам.

Эколагі выступаюць за вяртанне запаведнага статусу абалоннай дуброве і павелічэнне запаведнай зоны як мінімум на 50%. Пра гэта паведаміла каардынатарка кампаніі Інэса Балоціна, піша БелаПАН.

Актывісты кампаніі выказваюць заклапочанасць актыўнай гаспадарчай дзейнасцю цяперашняга кіраўніцтва Прыпяцкага нацыянальнага парку, якое ставіць пад пагрозу знішчэння ўнікальнага прыроднага ландшафту.

У 2012 годзе ўказам №59 Лукашэнкам было зацверджанае новае занаванне нацыянальнага парку «Прыпяцкі». Унікальныя дубровы, дзе дзясяткі гадоў існаваў запаведнік, былі пазбаўленыя гэтага статусу. Кіраўніцтва «Прыпяцкага» праводзіць ў парку «санітарныя» высечкі і настойліва лабіюе дазвол на высечку жывых, так званых «аслабленых» дрэў.

Акрамя таго, як адзначае Інэса Балоціна, пры нацыянальным парку ў 1997 годзе быў пабудаваны дрэваперапрацоўчы комплекс «Ляскавічы» з закончаным цыклам вытворчасці, пачынаючы ад высечкі лесу да ўпакоўкі паркету. Аднак «дубровы не растуць так хутка, як іх асвойваюць». Да таго ж, у выніку будаўніцтва новых лесагаспадарчых дарог «знішчаюцца сотні жывых дрэў, у тым ліку дубоў».

Прыпяцкі ландшафтна-гідралагічны запаведнік быў створаны 45 гадоў таму, 3 чэрвеня 1969 года. У 1996 годзе статус тэрыторыі панізілі з запаведніка да нацыянальнага парку.

Парк «Прыпяцкі» мае статус тэрыторыі, важнай для птушак, а таксама ключавой батанічнай тэрыторыі і ўваходзіць у міжнародную праграму IBA як зямлі найбольш важныя для жыцця птушак.

У лютым 2014 ён атрымаў статус водна-балотнага ўгоддзя міжнароднага значэння. Яго тэрыторыя з'яўляецца ядром экалагічнага калідора агульнаеўрапейскай значнасці, які злучае Цэнтральную і Паўднёвую Еўропу. «Прыпяцкі», магчыма, стане часткай трансмежавага міжнароднага біясфернага рэзервата ЮНЕСКА «Даліна Прыпяці».



Напісаць каментар (11)

Падзяліся!




Меркаванне


Рыжы

Рыжы

Зміцер Дашкевіч

Танкавы прарыў у мінулае стагоддзе

Танкавы прарыў у мінулае стагоддзе

Уладзімір Халіп

Чиновники, не позорьтесь!

Чиновники, не позорьтесь!

Ирина Халип

Путин стал вторым. И последним

Путин стал вторым. И последним

Юрий Фельштинский

Предвыборный маскарад

Предвыборный маскарад

Татьяна Новикова



Учора на сайце:

наведвальнікаў 337783
праглядаў 2262434

пн аў ср чц пт сб нд
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31

Старая версія сайта

Канстытуцыя Рэспублікі Беларусь:

"Артыкул 34. Грамадзянам Рэспублiкi Беларусь гарантуецца права на атрыманне, захоўванне i распаўсюджванне поўнай, дакладнай i своечасовай iнфармацыi аб дзейнасцi дзяржаўных органаў, грамадскiх аб'яднанняў, аб палiтычным, эканамiчным, культурным i мiжнародным жыццi, стане навакольнага асяроддзя..."

Падпіска

       

Пакіньце Ваш e-mail: